झापा, २० वैशाख । विर्तामोडस्थित पाताल गंगा बचत तथा ऋण सहकारी संस्थाका पूर्व अध्यक्ष रेवती खनाल पक्राउ परेका छन् ।

सहकारीमा सदस्यले राखेको रु. दुई करोड रुपैयाँभन्दा बढी बचत अपचलन गरेर फरार रहेका संस्थाका अध्यक्ष खनाललाई प्रहरीले धनगढीबाट पक्रेर विर्तामोड ल्याएको छ । 

फरार खनालविरुद्ध सञ्चाल समितिले नै प्रहरीमा उजुरी दिएको थियो । खनाललाई अहिले इलाका प्रहरी कार्यालय अनारमनीमा राखिएको र आइतवार जिल्ला अदालत झापामा बुझाउने तयारी भएको इलाका प्रहरी कार्यालय अनारमनीका प्रहरी नायब उपरीक्षक विजय श्रेष्ठले जानकारी दिएका छन् ।