१४ भदौ २०८२, शनिवार
झापा, १४ भदौ । नेपाली समाजमा नौमती बाजाको धेरै महत्त्व रहँदै आएको छ । विवाह, ब्रतबन्ध, उत्सव लगायतका शुभकार्यहरुमा नौमती बाजा बजाउने चलन छ ।
पछिल्लो समय नौमती बाजा धार्मिक तथा सांस्कृतिक चाडपर्वमा समेत प्रशस्त मात्रामा प्रयोगमा ल्याउने गरिएको छ ।
पूर्वी नेपालमा यो मौलिक बाजा कसैलाई चाहिएमा अब विर्तामोडको गोर्खा टेलरिङ सेन्टरमा सम्पर्क गर्दा हुने भएको छ ।
विगतमा परियार जातिले मात्र बजाउँदै आएको बाजा हाल सबै जात जातिले बजाउन थालेका छन् । झापामा महिलाहरुले संगठित भएर नौमती बाजाको संरक्षण गर्दै आएको पाइन्छ ।
नौमती बाजाको संरक्षण, प्रचार र प्रयोगका लागि सघाउने उद्देश्यले टेलरिङले बाजा उपलब्ध गराउने नयाँ सेवा सुरु गरेको गोर्खा टेलरिङका प्रोपाइटर बीरु दर्नालले बताउनुभयो ।
बिगत दश वर्षदेखि टेलरिङ क्षेत्रमा अलग र विश्वसनीय पहिचान बनाउन सफल गोर्खा टेलरिङमा दौरा सुरुवाल, कोट पेन्टलगायतका वस्त्रको आकर्षक डिजाइनमा सिलाई हुने गरेको छ ।
