विर्तामोड, १४ भदौ । आज नेपाल अलैंची व्यवसायी महासंघको विर्तामोडमा शनिवारदेखि पाँचौ महाधिवेशन तथा नवौ साधारणसभा सुरु भएको छ । 

साधारणसभाको उद्घाटन कोशी प्रदेशका मुख्यमन्त्री हिक्कत कुमार कार्कीले गर्नुभएको छ । कार्यक्रममा कार्कीले उत्कृष्ट कर्मचारी, अलैंची निर्यातकर्ता, किसान र व्यवसायीलाई सम्मान गर्नुभएको छ । 

कार्यक्रममा उहाँले अलैंचीको उत्पादन र निकासी बढाउन नीतिगत रुपमै प्रदेश सरकारले सहयोग गर्ने प्रतिवद्धता व्यक्त गर्नुभएको छ । 

संस्थाका अध्यक्ष निर्मल भट्टराईको अध्यक्षतामा भएको कार्यक्रममा उत्कृष्ट किसान ताप्लेजुङ्गका विदुर तिवारी, स्व. देवीप्रसाद उत्कृष्ट व्यवसायी सम्मानबाट विर्तामोड निवासी रोशनलाल अग्रवाल, उत्कृष्ट निर्यातकर्ता ओमकृष्ण विमली र उत्कृष्ट कर्मचारीको रुपमा अनिल ढुंगाना, रीमा श्रेष्ठलाई मुख्यमन्त्री कार्कीले सम्मान गर्नुभएको छ ।