झापा, १५ भदौ । नेकपा माओबादी केन्द्रको जनवर्गीय संगठन अनेमसंघ क्रान्तिकारीको मेचीनगर अध्यक्षमा इन्दिरा पोखरेल निर्वाचित हुनु भएको छ ।
कालिका सामुदायिक बनमा शनिवार सम्पन्न दोस्रो नगर अधिवेशनबाट पोखरेलको अध्यक्षतमा नयाँ कार्य समिति चयन भएको हो ।
समितिको उपाध्यक्षमा कमला सुब्बा र लीला भण्डारी हुनुहुन्छ भने सचिवमा मैया लम्सा, सहसचिवमा सबिना बराल र कमला तिरुवा चयन हुनुभएको छ ।
यसैगरी, कोषाध्यक्षमा कमला घिमिरेसहित कार्य समिति ३१ सदस्यीय रहेको नेकपा माओबादी केन्द्रका नगर अध्यक्ष राजन चिमरियाले बताउनुभयो ।
अधिवेशनमा प्रमुख अतिथि अनेमसंघ क्रान्तिकारीकी प्रदेश इञ्चार्ज उर्मिला तामाङ, कोशी प्रदेशकी पूर्वमन्त्री तथा प्रदेश सभा सदस्य बन्दना झाँगर, विशेष अतिथि माओबादीका अग्रज नेता एवम् झापा जिल्ला सहायक इञ्चार्ज अग्रज नेता बोधराज दाहाल असिम, इलामका सहायक इञ्चार्ज रामकुमार राई, प्रदेश कमिटीका सचिवालय सदस्य प्रकाश भण्डारी, निरु खतिवडा, सन्ध्या सापकोटा, नरेन्द्र मेचे गछाम, राजु दाहाल, पनिता ढकाल, राजन चिमरिया लगायत अतिथि हुनुहुन्थ्यो ।
सोही अवसरमा हिन्दू नारीहरुको महान् चाड हरितालिका तिजको अवसरमा नगरका ३५ जना चेलीलाई सारी चोलीको सेट सम्मानस्वरुप प्रदान गरिएको थियो ।
