झापा, २६ मङ्सिर । नेपाली कांग्रेस झापाले प्रतिनिधिसभा निर्वाचनका लागि पार्टीका महासचिव विश्वप्रकाश शर्मासहित प्रत्यक्ष र समानुपातिक गरी ६६ जना उम्मेद्वारका नाम कोशी प्रदेश समितिमा सिफारिस गरेको छ । 

पार्टीको विधान बमोजिम जिल्लाका पाँचवटा संसदीय निर्वाचन क्षेत्रबाट सिफारिस भएर आएका उम्मेद्वारका नामलाई प्रदेश समितिमा सिफारिस गरेको पार्टीका जिल्ला सचिव कृष्ण हुमागाईंले जानकारी दिनुभयो ।  

केन्द्रीय समितिले गत मङ्सिर १५ गते कांग्रेसको विधान बमोजिम क्षेत्रीयस्तरबाट नामावली सिफारिस गर्न निर्देशन गरेसँगै सबै क्षेत्रबाट आकांक्षी उम्मेद्वारको नामावली संकलन गरिएको थियो । जसमा क्षेत्र नम्बर–१ मा प्रत्यक्षतर्फ पार्टी महामन्त्री विश्वप्रकाश शर्माको नाम एकल सिफारिस भएको उहाँले बताउनुभयो । 

“क्षेत्रीयस्तरको बैठकबाट विवादरहित ढंगले प्रत्यक्ष र समानुपातिकतर्फको नाम सिफारिस भएका छन्” उहाँले भन्नुभयो, “प्रत्यक्षमा अन्य क्षेत्रमा तीन चार जनाको नाममा आए तर क्षेत्र नम्बर–१ मा महामन्त्रीको एकल नाम सिफारिस भएर आएको छ ।”

झापा क्षेत्र नम्बर–१ बाट समानुपातिकतर्फ रामबहादुर कट्टेल, खड्गबहादुर धिमाल, नारायण गिरी, गोमा भट्टराई, राधा कार्की र शोभा श्रेष्ठ नेम्बाङको नाम सिफारिस गरिएको छ ।

क्षेत्र नं–२ मा प्रत्यक्षतर्फ छत्रबहादुर गिरी, सरिता प्रसाई र सजेश शिवाकोटी, समानुपातिकतर्फ सीता पौडेल, उमा शिवाकोटी, हस्त परियार, मिरा खड्का, उर्मिला पोखरेल, देवी निरौला बस्नेत, मनुमाया विश्वकर्मा, पाण्डवलाल चौधरी, रणदेव हजाम र कृष्णबहादुर श्रेष्ठको नाम सिफारिस गरिएको छ ।

क्षेत्र नं–३ मा प्रत्यक्षतर्फ टिकाराज ढकाल, सिताराम खड्का, श्यामप्रसाद सिटौला, राजेन्द्र घिमिरे, देउप्रसाद लावुङ लिम्बू, नवीन विमली, भगिरथ पोद्धार, शर्मिला अधिकारी र समानुपातिकतर्फ सुशिला ढकाल, हरिकृष्ण घोष, खड्ग राजवंशी, बडाराम हेमरम, सितादेवी भट्टराई, लता कार्की, उर्मिला गौतम, कृष्णकली राजवंशी, लालबहादुर कन्दङवा र शिला तामाङको नाम रहेको छ । 

क्षेत्र नं–४ मा प्रत्यक्षतर्फ देउकुमार थेवे, उत्तमबहादुर चौंलागाई, धनमाया चिमरिया,समानुपातिकतर्फ सूर्यनारायण ताजपुरिया, सुन्दर बेस्रा, सन्तोषकुमार मेनेङ्बो, टंकबहादुर विश्वकर्मा, मथुरादेवी श्रेष्ठको नाम सिफारिस भएको छ । 

यसैगरि क्षेत्र नं–५ मा प्रत्यक्षतर्फ अइन्द्रविक्रम केरुङ, पदमबहादुर पौडेल, मन्दरा पौडेल चिमरिया, मेदनीप्रसाद सिटौला, देवीप्रसाद दाहाल, खगेन्द्रप्रसाद पाण्डव अधिकारी, सिरम कार्की र समानुपातिकतर्फ महेन्द्राकुमारी लिम्बू, सुरेश सुब्बा, दिलिप राई, सत्यनारायण चौधरी, भूमिराज राई, चन्द्रा खड्का भट्टराई, कृष्णबहादुर धिमाल, रामकुमारी पौडेल, मेनुका बुढाथोकी, अम्बर बराईली, निरोज अग्रवाल, भिममाया उप्रेती (भुजेल) र रोहितकुमार शाहको नाम सिफारिस गरिएको सचिव हुमागाईले जानकारी दिनुभयो ।