२१ फागुन २०८२, बिहिवार
झापा, २१ फागुन ः जिल्ला कारागार झापामा रहेको अस्थायी मतदान केन्द्रमा शतप्रतिशत मत खसेको कार्यालय प्रमुख रेवन्त भट्टराईले बताउनुभयो ।
उहाँका अनुसार १०१ पुरुष, ६ महिलासहित १०७ जना कैदीबन्दीले मतदान गरेका छन् । मतदाता नामावलीमा १०७ जना कैदीबन्दीको नाम रहेको थियो । सोही अनुसार नै मत खसेको उहाँले बताउनुभयो ।
उहाँले सर्जमिन मुचुल्का गरी मतपेटिका सिल गरिसकिएको समेत जानकारी दिनुभयो ।
